Amakula g’obutonde bw’ensi agawangaalira ku lusozi lwa Rwenzori n’emiriraano eggwanga Uganda libadde terinnagafunamu bulungi ku luuyi lw’eby’obulambuzi ekimu ku biwalirizza bannabyabulamu abeekwatidde awamu n’eky’okunywa kya Tusker Lite wansi w’abayiisa aba Uganda Breweries Limited okuteekateeka emisinde gy'ettundutundu eryo.
Akulira abayiisa bano Andrew Kironzo asinzidde mu nteekateeka ya kutongoza misinde emibunabyalo egyatuumibwa Tuskelite Mt Rwenzori Marathon egy’omulundi ogw’okubiri n’agamba nti basuubira emisinde gino okusabuukululira ensi yonna eby’obulambuzi ettundutundu lino byeririna ebibadde bitannajjumbirwa bulungi ng’eno abataka bwe bakola Dduyiro amanyiddwa obulungi okubeera ow’omugaso mu bulamu bwabwe.
Kabugo Emmanuel owa Uniliver Uganda kkampuni emu ku zeetabye mu nteekateeka zino agambye nti emisinde gino egya nga 2nd omwezi ogujja ogw’Omwenda Uniliver bagitaddemu Obukadde bwa ssente za wano 10 bulambirira.
Ebya Siniya yokuna 2023 bifulumiziddwa.