Ekkanisa ya Phaneroo ministries eteekateeka kuyingira byafaayo

Uganda erindirira kuyingira mu kitabo kya byafaayo eky’ensi yonna ekya Guinness World Book of Records ng’eyita mu kusiima ebirungi ebikoleddwa Katonda eri bannansi.Omusumba Ronnie Mutebi owa Phaneroo ministries International asinzidde ku kitebe kyabwe e Ntinda wano mu Kampala n’ategeeza nti olw’ebirungi ebingi Kawamigero byabakolera basazeewo bamusiime nga bayita mu kumukubira engalo ez'omwanguka okumala essaawa ssatu awatali kuyimirizaamu.

Omusumba Grace Lubega ow'Obutume bwa Phaneroo Ministries y’agenda okukulemberamu engalo zino e Lugogo nga 30th omwezi guno ogw'Omusanvu bwe batyo bamenyewo ekyafaayo kya Stevens Clark abaakuba mu ngalo okumala essaawa bbiri n’eddakiika ettaano nga 20th ogw’Omusanvu 2019.

Ono era ategeezezza nti ng’ennaku z’omwezi ttaano omwezi ogujja ogw’Omunana bagenda kujaganya nga bwe bawezezza emyaka Omwenda mu buweereza.