Omukulembeze w'eggwanga Tibuhaburwa Museveni yaawumbawumba Kakuyege wa munnakibiinaakye ekya NRM Mulekwa Samuel Engora Okello eyavaayo okuyaayaanira entebe omwali kitaawe Charles Okello Engora eyasindirirwa ebyasi ebitaamulekera bulamu nga 2nd omwezi ogw’okutaano omwaka guno.
Tutegeezeddwa nti Tibuhaburwa Museveni waakukuba enkungaana ez’enjawulo olwa leero mu Oyam North ng’asabira mutabani waabwe Samuel Engora Okello obuwagizi mu kalulu akagenda okukubwa olw’okuna lwa ssabbiiti eno.Eby'okwerinda tutegeezeddwa nti biri ggulugulu olw'omukulu ali eruuyi eyo ng'amagye ne poliisi be baana baliyo.
Abalala abaasunsulwa akakiiko k’eby’okulonda mu kujjuza ekifo kino kuliko Apio Otuko Eunice owa UPC,Okello Fred Newton owa FDC ne Okello Daniel owa NUP.Abana bano baasunsulwa gyebuvuddeko ne basabuukulula Kakuyege waabwe nga 22nd omwezi oguwedde ogwa Ssebaaseka nga leero lwafundikirwa.
Ba Ssenkaggale b’ebibiina ebirala ebyasimbawo abantu baabyo nabyo batutte akaseera nga bakuyegera abantu baabwe obuwagizi mu kalulu kano.
Ebya Siniya yokuna 2023 bifulumiziddwa.