Concert ya Uncle Kaboggoza,''Girl Wange'' eyengedde

Abadigize abanaayingira Concert ya Uncle Kaboggoza Son of Nakabululu from Luweero ng’atongoza oluyimbalwe ‘’Girl Wange’’ basuubiziddwa makula mereere ku lw’okutaano lwa ssabbiiti eno nga 1st ogw'Omwenda wali ewa Mitanda e Bulagga mu district eye Wakiso.Bwayogeddeko eri bannamawulire ku kitebe kya Capital Radio 2015 Kampuni etambuza emirimu gya Capital Radio,Beat FM Uncle Kaboggoza mwakolera ne Kiisi FM,ategeezezza nti engeri gy’anaawerekerwako abayimbi abangi,olukoba lujja kusumululwa nga bukyali abayimbi bonna nga bakulembeddwamu Allien Skin bannayuganda gwe bayita aliko ebiseera bino balyoke bakooke ate ne Uncle Kaboggoza yennyini ayimbe ennyimba ze zonna.

Omukulu ategeezezza nti mpaawo muntu mulala yenna yakwasiddwa mulimu gwa kutunda Tiketi,zaakutundirwa ku mulyango ku olwo buli omu ey’ekiti mwanaagwa ng’abaweereza ku mpewo za Beat FM bonna baakumuwerekera n’ebirabo eby’enjawulo bitegekeddwa abanaakeerako nga n’abanaayagala okwewangulira Tiketi ku mpewo za Beat bakubiriziddwa okujjumbira okugiwuliriza.

Ku nsonga z’eby’okwerinda,mukozi munne era bwe batambulidde ebbanga eddene mu buweereza ku mpewo za Radio Mark Mukunja ategeezezza nti eby’okwerinda biri ggulugulu era buli anajja n’ekidduka waakufuna waakisimba awataamulumye mutwe asanyuke bulungi okutuusa gyanaakooyera alyoke akisimbule yeddire eka nga mpaawo yadde akisonzeemu olunwe.