Abayizi 117 bawonedde watono,loole kwe babadde ebawandagazza
Poliisi e Mbale ne Manafwa ewenja mugoba wa Loole Tata UBJ 994J ey’ekibiina ky’abeegassi ekye Bukusu eyapangisiddwa okutwala abaana b’essomero lye Nakhupa Primary School mu mpaka z’okuyimba ku ssomero lya St Edwards SS amale agitandaggire ennume y’ekigwo omuyizi omu amale afiirewo.
Ssekamwa wa poliisi y’ebidduka mu ggwanga lyonna Omwami Micheal Kananura ategeezezza nti Godmas Mamai omugoba wa Loole eno olutegedde nti akeesombedde Omuganda ke yagereesa akalimu Obuwuka ne yeemulula ne gye buli eno.
Omwana Naminayi Thomas abadde asoma eky’Omukaaga ow’emyaka 16 baabuwe y’atasobodde kulusomoka ne banne abalala 117 ne baggyibwawo n’ebisago eby'enjawulo ng’abasawo mu ddwaliro ekkulu e Mbale bakola butassa mukka butassa mwoyo okulaba nga bataasa obulamu bwabwe.Akabenje kano kagudde ku kyalo Kufu ekisangibwa ku mwasanjala ava e Manafwa okudda e Mbale awo mu budde bwa Kawozamasiga mu kiro ekikeesezza leero bwe babadde badda okuva gye bavuganyirizza.