Abazadde bawemudde Obuzadde,batemula abaana baabwe
Poliisi eyongedde okweraliikirira olw’ettemu erituusibwa ku baana wakati mu butakkanya bw’abazadde n’embeera endala zonna ezizze zirabirwamu abaana okufiira mu mikono gy’abantu abaalibaddenga babatangira okutuusibwako obulabe.Ssekamwa wa poliisi mu ggwanga Fred Enanga asinzidde ku kukwatibwa kwa mwanamuwala Nangira Sophia ow’emyaka 16 agambibwa okwekobaana ne muganziwe gweyazaalamu omwana ategeerekese nga Matanta John ne batuga omwana waabwe ow’omwezi ogumu ku kyalo Nainaka e Bugiri ebisigalira bye bamale babisuule mu Kaabuyonjo y’essomero.
Enanga agambye nti mu kiseera kino nga bakyawenja omusajja kiwaawe w'omwana bwe beekobaanidde mu ttemu eryo,banoonyereza ku muwala ono akyali omuto bwatyo eyeenyigidde mu butemu bw'omwanawe.
Enanga ategeezezza nti omuntu omulala anoonyerezebwako ye Nuwasiima Jackline owe Rwentozo mu district ye Mitooma eyakwatiddwa oluvannyuma lw’okutta n’okusuula omwanawe ow’emyezi ebiri mu mugga,ono kigambibwa yasabye kitaawe w’omwana ono okumwanjula nga bweyamusuubiza ng’akyali muzito wabula ne yeesanga ng'omusajja alabika yeefuulira dda mu kiti ng'Embazzi.