eu- election observers

BULAAYA BEEWEREZZA OKULONDOOLA AKALULU BATALAAZE EGGWANGA

Abatunuulizi b’akalulu akabindabinda wano mu ggwanga okuva mu mukago gw’amawanga ga Bulaaya amakumi 30 babinaanise engatto olwa leero neboolekera ebifo eby’enjawulo okwetooloola eggwanga gyebagenda okukolera ogwabaleeta kuno.

Amyuka akulira abatunuulizi bano Marian Gabriel ategeezezza nti abantu baabwe bagenda kwetegereza kalonda yenna anaabeera mu kulonda kuno nga baakugendanga nga babuuza awamu n’okukwataganira awamu n’abaalondesa,basisinkane abeesimbyewo mu bifo eby’enjawulo awamu n’abakungu b’ebibiina by’obwannakyewa.

Ono era agambye nti baakusimba amakanda gaabwe mu district okuli,Kampala, Mityana, Masaka, Mbarara, Kabale, Fort Portal, Masindi, Arua, Gulu, Lira, Soroti, Moroto, Mbale ne Jinja olwo bategeezenga bakama baabwe abanaabeeranga mu Kampala ku byebanaabanga bazudde yonna gyebanaabanga.

Ono era ategeezezza nti abatunuulizi abalala 80 essaawa yonna nabob agenda kuyingira mu ggwanga beegatte ku bano abasoose okulonda bwekunaaba kubuzaayo mbale.Bano bakulembeddwamu omukungu w’omukago gw’amawanga ga Bulaaya Eduard Kukan okuva mu ggwanga lya Czechoslovakia.


Photo Credit: trending.co.ug

[fbcomments data-width="100%"]