panga

Batemyeko omulwadde omutwe mu ddwaliro

Bya Robert Segawa

Poliisi e Ntoroko eriko abasajja bana beekutte n’eggalira ku bigambibwa nti baalumbye omulwadde ku kitanda mu ddwaliro lye Karugutu Health Center IV nebamutemako omutwe.

Ssekamwa wa poliisi mu Bugwanjuba bw’ensozi za Rwenzori Lydia Tumushabe ategeezezza nti abatuuze bano okuva mu kyalo kye Rwangoro mu ggombolola ye Kanaro baalumbye eddwaliro ne bagwikiriza omulwadde Francis Wathutu ne bamutemerako omutwe ku kitanda nga bamulanga bulogo.

Attiddwa musuubuzi wa byannyanja munnansi wa Congo nga naye abadde mutuuze ku kyalo ekyo.

Tumushabe agamba nti omuntu ateeberezebwa okuba nga ye yabatumye bamuttire Wathutu gwalanga okumuttira mugandawe Ebyayi yabinnyise mu nsuwa ng’essaawa eno awenjezebwa.

[fbcomments data-width="100%"]