OMUSERIKALE ASSE MUNNE NE YEEMULULA

Abatuuze be Kawuga mu district ye Mukono bakeeredde mu kiyongobero bwebasanze omuserikale omukuumi owa kampuni ey’obwannannyini ategeerekese nga James Tumwebaze Okira ng’afiiridde mu nnyumba mwabadde asula.

Abatuuze bategeezezza nti ono abadde ne munne Peter Odomel bwebabaddenga basula wabula ng’entakera babaddenga bagugulana olutata ekiraga nti  ye yamusse ye neyeemulula.

Aduumira poliisi e Mukono Ibrahim Batasi akakasizza okuttibwa kw’omusajja ono nga n’okuwenja omutemu bwekugenda mu maaso.

Kivvuunuddwa Charles Kizindo

Photo Credit: World Atlas

LUKULULANA ESSE OMUSERIKALE

Omuserikale wa poliisi afiiriddewo mbulaga n’abalala babiri nebavaawo n’ebisago eby’amanyi mu kabenje akagudde ku nkulungo eyabbulwamu erya Gaddafi ku luguudo olwakazibwako Kyabazinga mu kibuga Jinja nga mmotoka Lukululana Number ZC 9669 y’etomedde abantu ababadde batambulira ku pikipiki Number UDV 316V.Afudde ye Corporal Stella Angupalu n’abalutonze kubaddeko;Private Joseph Musisi ne Richard Kutosi.

Kivvuunuddwa Charles Kizindo

Photo Credit: WordPress.com

OMUSERIKALE EYATTIRWA ABABE AYAGALA KULIYIRIRWA BUWUMBI

Omuserikale eyafiirwa abantube bwebaasasirwa amasasi muserikale munne eyakoleranga mu nkambi ya poliisi e Makindye amale atte abantu omusanvu mu mwezi gwa Ssebaaseka Ogw’omukaaga omwaka guno awazeewaze Gov’t n’agikuba mu mbuga z’amateeka ng’ayagala aliyirirwe Obuwumbi Bubiri bulambirira olw’okufiirwa mukyalawe n’abaana baabwe babiri.

Ono ategeerekesenga Kisenyi Israel ayise mu bannamateekaabe aba Nuwagira,Tusiime and Company Advocates bwategeezezza nti Sgt Isaac Obua eyakoleranga mu kkeberero ly’eddwaliro lya Makindye Health Centre III awatali kukyokoozebwa wadde okuwenyezebwako omuntu yenna yatunuza omudumu gw’emmundu mu b’omu makaage n’abatta nga mpaawo mbulubujju yonna.

Ssaabawolereza wa Gov’t aweereddwa ennaku 15 abeerenga amalirizza okuteekayo okwewozaako kwa Gov’t.

Kivvuunuddwa Charles Kizindo